البتنجان المخلل والعشق الأوحد

                                                                        Image by Larisa Koshkina from Pixabay

مين فينا ما بيحبش البتنجان المخلل سواء كان مقلي بالزيت أو مسلوق في الميه وأى نوع من أنواع البتنجان مش شرط أى نوع منه وجواه تحبيشة المخلل التوم والفلفل الاخضر والكمون والملح والكزبرة والطماطم والخل و احيانا في ناس بتحط فيها مسحوق شطة الهريسة عموما كل المكونات اللى بتتضاف للبتنجان عشان يكون بتنجان مخلل فى صورته المعروفة و طعمه الحكاية بيعتبر من أشهر المخللات اللي كل الناس بتحبها و بتضيفها جنب كل أكلاتهم عشان بتعتبر المخللات من فواتح الشهية وخصوصا البتنجان المخلل اللى اكيد مفيش حد ما بيحبوش وما بيوصلش حبه ليه لدرجة العشق أكيد كل واحد بيحب يفطر طبق الفول ولوازمه سواء كان على عربية الفول أو حتى محل للفول والطعمية لأن البتنجان المخلل بيخلي الواحد سعيد ومبسوط لما بياكله مع الأكل بيفتح نفسه وطعمه حكاية و تحفة وعمر ما حد ينسي طعمه مهما كان بقاله فترة ما أكلوش ولو انى أشك أن مفيش حد ما بياكلوش ولا بيضيفوه جنب الاكل وعشان كده البتنجان المخلل بيعتبر صاحب بيت مش ضيف و حيمشي وعشان كده البتنجان المخلل شهرته واسعة و فوايده كتير وعشان صحتكم ممكن تضيفوا ملح قليل أو حتى من غيره لأن البتنجان المخلل كده كده بيحتفظ بطعمه و نكهته حتى لو كانت عناصره اللي بتدخل في تخليله مش مكتملة و بالهنا والشفا .. وللحديث بقية